NAGA CITY- Maski maogma naman an buhay ngunyan, alagad pano man nin kamunduan asin pagsakit an nagin laman kan komposisyon nin Bicolanong nakaiba sa semi-finalist kan Bombo Music Festival 2020.
Apwera igdi, inspirasyon man niya sa pagbilog kan sonata an saiyang mga kabarkada.
Sa entrevista kan Bombo Radyo Naga ki Ryan Rellora gikan sa Lagonoy, Camarines Sur, sinabi kaining nabilog niya an sonata na ‘Bitter’ huli sa mga nahihiling na eksperyensya gikan sa ibang tao na nakakamati nin kamunduan, sakit asin matinding problema.
Istorya ni Rellora, 17-anyos pa sana siya kan magpuon siyang makanuod magkanta asin magkahiig sa musiko.Mientrastanto, apwera sa pagkanta, target ngunyan ni Rellora na makalaog sa Philippine National Police (PNP) komo saro sa mga saiyang pangiturogan
