Pigreport kan NASA na an asteroid na kayang makadanyar nin bilog na siyudad an igwang 3.1% na tsansa ngunyan na magtama sa kinaban sa taong 2032. Huli kaini, an nasambitan ng asteroid an pigkokonsederar na pinakamakatakot na space rock na nairehistro kan modern forecasting.
Alagad sa ibong kan peligrong dara kaini, pigsaysay kan mga eksperto na dae soboot maalarma nin huli ta an global astronomical community an mahigot na pigbabantayan an sitwasyon asin an James Webb Space Telescope an pig-set tanganing magfocus sana sa astroid na bistado komo 2024 YR4.
An 2024 YR4 an enot na na-detect kan December 27, 2024 kan El Sauce Observatory sa Chile.
An mga Astronomers pigkarkulo an sukol kaini sa pag-ultanan kan 130 hasta 300 feet o 40–90 meters na hewas basado sa saiyang liwanag.
Para an sa analysis kan light signatures kaini, nagsusuhestyon na igwang fairly typical composition kaysa sa rare metal-rich asteroid.
An International Asteroid Warning Network (IAWN),sarong worldwide planetary defense collaboration, nagpaluwas naman nin warning memo kan January 29 makalihis na an impact probability kaini an nag-abot sa one percent.
Susog sa latest na calculations kan NASA, an impact an igwang probability nin 3.1 percent kun saen an potential Earth impact kaini an mangyayari sa December 22, 2032.
