Na-diagnose na igwa nin stage 4 kanser an komedyanteng si Ate Gay asin sinasabing mayo na nin lunas pa.
Paramientras na nagpundo sa pagpe-perform si Ate Gay mantang nangangadye para sa sarong milagro.
Enot nang pigsairarom an komedyante sa ultrasound asin CT scan, na nag-abot sa rekomendasyon para sa biopsy.
Sa enot na pag-analisar, garu sarong benign an nagin bukol na nagluwas sa liog kan komedyante.
Mientrastanto naghahagad si Ate Gay nin panduwang opinyon. Pigsaysay kan komedyante na nagdadakula an bukol asin nagdududo na ini.
Basado sa prognosis, pupwedeng dae na mag-abot sa taong 2026 an komedyante asin dae naman opsyon an operasyon.
Makulog sa parte kan komedyante an sitwasyon rason sa pag-urualdaw na paghibi alagad nangangadye man giraray para sa sarong himala.
