NAGA CITY- Orgolyo ngonyan kan Ateneo de Naga University (ADNU) an duwa kaining mga alumni na topnotcher sa katatapos pa sanang Electronics Technician (ECT) Licensure Examination.
Sa entrevista kan Bombo Radyo Naga ki Engr. Anacleto Casimiro, Chairperson kan Department of Electronic Communications Engineering kan ADNU, sinaysay kaini na pig-oorgolyo ninda sinda Engr. Wayne Jude Bertumen asin Engr. Raymond Ondesimo makalihis na maging topnotcher sa ECT Examination asin nakakua nin score na 95%.
Labi man an kaugmahan kan nasambitang unibersidad huli ta apwera kina Engr. Bertumen asin Engr. Ondesimo, nakapasa man sa parehong eksaminasyon an 16 iba pa.
Sigon ki Engr. Casimiro, dae pa niya nakakaolay an dean kan College of Science and Engineering manungod sa posibleng aktibidad para sa mga nakapasar sa ECT Examination.
Nagpagirumdom man si Engr. Casimiro na dapat gibuhon sana kan mga nakapasar na bagong mga engineers an tama sa saindang mga trabaho.
