Nanindugan si dating Presidential Spokesperson Atty. Harry Roque na dae ini kusang mahali apwera na sana kun personal ining paulion ni dating Presidente Rodrigo Duterte.
Sa sarong entrevista, sinaysay kan dating Duterte appointee na matinir ini sa The Hague, Netherlands tangani suportaran si dating Presidente Rodrigo Duterte sa kinaatubang kaining kaso sa International Criminal Court (ICC).
Ginibo kan abogado an nasambitan ng pahayag sa ibong kan naenot na statement kan legal counsel ni Duterte na si Nicholas Kaufman na habo soboot kan dating Presidente na makiaram si Roque sa saiyang kaso.
Pighurot pa ni Kauffman na mas marahay na sana na atubangon ni Roque an sadiri kaining mga kaso sa Pilipinas. Alagad pighurot kan dating tagapagtaram kan dating Presidente na nag promisa ining dae niya wawalaton si Duterte. Sigun ki Roque, matinir ini hasta sa pinakahuri.
Nilinaw man ni Roque na mayo sindang alitan ni Kaufman huli ta mayo man ining paki-aram sa saiya.
Soboot limang bulan na ining kinakaputan an kaso ni Duterte asin man mayo soboot nadangog an taumbayan na ano man na pagtuyaw gikan man sa saiya dapit man sa paagi kan pagkapot kaini sa kaso kan nasambitan ng dating Presidente.
