Apektado na nin labi 300,000 hectares an bushland sa Victoria, Australia huli sa mahewasang bushfire na pinalala kan matinding heatwave, sigun sa mga otoridad kan nakalihis na Sabado.
Sa New South Wales, pirang kasulo harani sa border kan Victoria an nasa emergency levle na, an pinakahalangkaw na alert level na haros na nag-abot sa 40 Celsius an temperatura, sigun sa Rural Fire Service.
Sigun sa mga otoridad, labi 130 istruktura na an apektado, kaibahan an mga kaharongan, kun saen damay man an poco mas o menos 38,000 harong asin negosyo na nawaran nin kuryente huli sa danyos na dara kan bushfire.
Ini na an pinakamatinding kasulo sa nasyon puon kan taong-2019-2020 Black Summer fires, na tumupok sa lawak na kasing dakula kan Turkey asin ikinagadan kan 33 katawo.
