Pumanaw na an Australian model asin swimwear designer na si Sahara Ray sa edad na 34.
Kinumpirma ini kan saiyang mga kapamilya, alagad dai na nagtao nin dugang na detalye manungod sa kawsa kan saiyang kagadanan.
Nagin bantog si Ray huli sa saiyang pagigin model asin social media influencer.
Mas nagdakol pa an saiyang mga followers matapos niyang ilunsar an sadiri niyang swimwear brand na Sahara Ray Swim.
Kan 2016, nagin uru-istoryahan an saiyang relasyon ki Justin Bieber matapos sindang mahiling na magkaibang nagbakasyon sa Hawaii.
Nagin usipon man an saiyang relasyon sa Australian singer na si Cody Simpson.
Kan 2024, ibinunyag niya an saiyang pakikipaglaban sa Guillain-Barré syndrome, sarong kakaibang neurological disorder na nagin kawsa kan pagkaparalisa kan nagkapirang parte kan saiyang hawak, na saiyang nakua sa sarong car accident.
