Babae arestado makalihis humaan an buhay nin 1 Mun. Election Officer sa Quezon

NAGA CITY- Arestado kan mga kapulisan an sarong persona makalihis na humaan an buhay kan sarong Municipal Election Officer sa banwaan nin Polillo, Quezon.

Binisto an suspek na si Nimfa Romero, 34-anyos.

Sa nakuang impormasyon kan Bombo Radyo Naga, napag-araman na nagpasiring an anggot na suspek sa harong kan biktima na si Vincent Caceres, 39-anyos asin naghuma na gagadanon an biktima gamit an darang kutsilyo.

Tulos man na naglaog sa saiyang harong an biktima tanganing dae siya masaksak kan suspetsado.

Sa ngonyan nagtitinir na sa kostudiya kan mga kapulisan an suspetsado mantang inaandam na an kasong isasangat laban saiya.