NAGA CITY- Dead on the spot an sarong babae makalihis na mabangga nin sarong pampasaherong bus sa Pagbilao, Quezon.
Sa nakuang impormasyon kan Bombo Radyo Naga, napag-araman na pigbabagtas kan pampasaherong Bicol Isarog bus an tinampo sa barangay Talipan sa nasambitang banwaan na minamaneho ni Mark Radones, 32-anyos kan aksidente kaining nabangga an dae pa nabibistong babae.
Susog sa impormasyon kan mga otoridad, nakasulot suboot nin maong shorts, puting t-shirt, asin 5’2 an langkaw kan nasambitang biktima.
Nagsapo nin lugad sa saiyang lawas an babae na nagresulta sa saiyang tulos na kagadanan.
Nagtitinir naman sa kostudiya kan mga otoridad an driver kan bus para sa maninigong disposisyon.
