Aram baya nindo mga ka-bombo, sarong babae na gikan sa California na dati naman pigmirar na igwa kan pig-aapod na world’s longest tongue na igwang laba na 3.8 inches an liwat na nagpahiling nin kakaibang tricks sa paagi kan pagkawat nin Jenga gamit an saiyang dila.
Pigbisto an nasambitan ng babae na si Chanel Tapper, 34-anyos na Guinness World Record para sa longest tongue puon pa kan 2010.
Sigun ki Tapper, an reaksyon soboot na pirme kaining nakukua enkaso mahiling kan ibang tawo an saiyang halabaon na dila iyo man an saindang pagkurahaw huli sa labing pagkatakot.
Alagad, an mga siring soboot na reaksyon an dae naman bago ki Tapper huli ta saiyang nanudan na i-apresyar an saiyang kakaibang kakayanan.
Gamit an halabang dila, kayang-kaya ni Tapper na maggibo nin tricks siring kan paghiro o paghali kan mga Jenga blocks, pag-flip kan mga plastic cups o kaya an pagkapot nin kutsara sa paagi kan saiyang dila.
Mientrastanto, labi man an pasasalamat ni Tapper nin huli ta komo sarong Guinness World Record-holder ini an nagdara sa saiya sa mga darakulang opurtunidad siring kan advertising campaign para sa Italian fashion brand.
Sa ngunyan, padagos soboot na magigin marhay na panalmingan si Tapper para sa mga tawo na igwang kakaibang abilidad sa bilog na kinaban.
