Aram baya nindo mga ka-bombo, sarong babae na gikan sa Estados Unidos an nagsunad nin reklamo kontra sa sarong fertility clinic makalihis an error na nangyari.
Susog sa report, nagluluwas na garo soboot nagi ining surrogate mother kun saen saiyang pigdara sa sinapupunan an aki kan ibang couple asin kaipuhan na butasan an derechos para digde.
Sigun ki Krystena Murray labi soboot an saiyang kaogmahan kan maaraman na ini an bados makalihis na magsairarom sa IVF treatment sa Coastal Fertility clinic kan May 2023. Alagad an saiyang kaogmahan an napuli sa labing pagkakilhag asin pagkatakot kan mangaki sa bulan nin Disyembre sa sarong maitom na omboy.
Pigtawan duon ni Murray na pinili kaini an puting sperm donor kun kaya ini an nakilhag kan magluwas an maitom na omboy.
Dae soboot nagtugot si Murray na ipahiling sa saiyang mga pamilya an aki nin huli ta nagtutubod ini na bako saiya an omboy.
Katakod digde, nagsairarom sa DNA test an omboy asin duman nakumpirmar na dae sinda magkadugo.
Tolos na pig-alerto ni Murray an IVF clinic na aminado man na nagkaigwa nin error sa saindang parte.
Nagdesisyon si Murray na atamanon an aki hasta magsunad nin petisyon an biological parents kan nasambitan ng omboy.
