Aram baya nindo mga ka-bombo, nakakangalas an nangyari sa sarong babae sa Surat, India na himalang mayong lugad na pigsapo sa saiyang lawas maski pa nabagsakan ini kan dakulang tangke nin tubig.
Marhay man na mayong takop an irarom na parte kan tangke na enot nahulog asin duman na-shoot an bilog na lawas kan babae.
Makalihis sana an pirang minuto, nagbutwa na an payo kan babae sa labot kan tangke na yaon sa ibabaw asin nakilhag sa nangyari.
Nagtabang naman an mga pagtaraid kaini na nakahiling sa pangyayari.
Pigkonsederar kan babae na nagkaigwa soboot nin “divine intervention”sa nangyaring aksidente kun kaya nakasalbar ini.
Napag-araman man na kakatapos pa sana kan babae na magtao nin prasadam o religious offering sa saindang local deities.
Mientrastanto, an tangke an gikan sa terrace kan sarong harong na pigkukua kan scrap collector kan mahulog ini.
