NAGA CITY- Irido an sarong babae makalihis na mahagop nin pampasaherong bus sa kalabaan kan Rolando Andaya Highway, Sitio Sabang, Barangay Gaongan, Sipocot, Camarines Sur.
Binisto an biktimang si Sheryl Agapito, 23-anyos.
Sa entrevista kan Bombo Radyo Naga ki SPO4 Albert Joven kan Sipocot-PNP, sinaysay kaini na marikas na nagbalyo sa tinampo si Agapito kan aksidente ining mahagop kan Peñafrancia Bus na minamaneho ni Raymundo Perit, 56-anyos na biyaheng Metro Manila na hale sa ciudad nin Legazpi.
Pinurbaran pa kuta ng magpreno ni Perit alagad nabangga pa nanggad kaini an biktima.
Nagsapo nin lugad sa saiyang payo asin lawas an nasamabitang indibidwal na padagos pa ngonyan na binubulong sa sarong ospital sa ciudad nin Naga.
Pigsierto man kan manhamiento kan Peñafrancia Bus na saindang sisimbagon an gabos na gastos sa pagpapabulong sa nasambitang biktima.
