NAGA CITY- patay ang isang babae matapos na mabiktima ng hit and run sa Diversion Road Brgy. Del Pilar, Lopez, Quezon.
Kinilala ang biktima na si Merlinda Llamado Flores, residente ng Barangay Sugod, Lopez Quezon.
Sa nakuhang impormasyon ng Bombo Radyo Naga sa Quezon Police Provincial Office napag-alaman na habang naglalakad ang biktima sa kanang parte ng kalsada nang mabangga ito ng hindi pa matukoy na sasakyan na pigmamaneho ng hindi rin matukoy na suspek papunta sa norteng direksyon.
Dahil sa pangyayari nagtamo ng sugat sa iba’t ibang parte ng katawan ang biktima dahilan ng kaniyang agarang pagkamatay
Sa ngayon ay nagpapatuloy ang isinasagawang imbestigasyon ng mga otoridad tungkol sa nasabing insidente.
