Aram baya nindo mga ka-bombo, sarong Australian na babae an nagpasiring sa korte taganing ipawarang bisa an saiyang kasal.
Basado sa report, pigsaysay kan nasambitan ng babae sa korte na nabisto kaini an saiyang agom kan nakalihis na September 2023 sa sarong dating app asin nagpuon an mga ining maghilingan nin regular sa Melbourne.
Kan December 2023, pig-imbitaran sboot an babae sa sarong white party sa Sydney kun saen pig-abisuhan ini na magsulot nin puting bado. An nasambitan ng imbitasyon an pig-ako kan babae na tolos man nagpasiring sa venue kan party.
Alagad, labi an kakilhagan kaini kan mahiling na dikit sana an tawo sa venue na kinababalihan kan sarong photographer, amigo kan photographer, marriage officiant asin an lalaki na nag-imbitar sa saiya sa party.
Sigun sa lalaki, nagplano soboot ini nin pekeng kasal tanganing maglangkaw an followers sa social media.
Digde na nagpamalo-malo na bride an babae asin naikundusir nin marhay an nasambitan ng fake marriage.
Alagad makalihis an duwang bulan, napag-araman kan babae na totoo palan an pigkundusir na kasal. Huli kaini, tolos na nagpasiring sa korte an babae tanganing ipaliwanag an totoong nangyari.
Kan nakalihis man na Oktubre 2024, an sarong Family Court sa Melbourne nagtugot na ipawarang bisa an nasmabitan ng kasal.
