NAGA CITY – Arestado an sarong babae huli sa ikinasang buy-bust operation sa San Felipe, Naga City. Binisto an suspek na si alyas Marivel, 55-anyos, asin residente kan nasambitan ng lugar.
Sa entrevista kan Bombo Radyo Naga ki PSSG. Robert Aguillon, Asst. PIO kan Naga City Police Office, sinaysay kaini na dating ng nakasohan an suspek huli sa kaparehong krimen kan taong 2017 asin napalibre.
Alagad, nagbweltada ini sa ilegal na gibuhon na nagresulta sa saindang pagkakaarestar liwat.
Mientrastanto, an nasambitan ng saro nanamang trayumpo sa pagkakaarestar sa indibidwal na embwelto sa ilegal na bulang an huli sa saindang padagos na paglaban kontra ilegal na droga.
Sa ibong na lado, maski pa dati ng nasalistahan an suspek, maagi paman sa due process para sa presenteng kasong kakahampangon kaini.
Huli digdi, piglinaw kan opisyal na an dae basta-basta pigdadakop kan mga otoridad an mga suspetyadong embwelto sa ilegal na aktibidad, apwera na sana kun naaktohan sa krimen.
Dugang pa kan opisyal, dakulang oportunidad an pigtatao kan gobierno para sa mga drug users asin drug pushers nin huli ta pigtatawan sinda nin pagkakataon na magbago
