Aram baya nindo mga ka-bombo, sa sarong controversial social experiment, sarong babae gikan sa Russian an nagpirma para sa pagpapabakal kan saiyang kalag sa kantedad na 100,000 rubles o $1,180 para sa pagbakal nin Labubu doll collection asin concert ticket.
Susog sa report, ini an nagpuon sa simpleng suba gikan sa marketing expert an pigpabisto an saiyang sadiri komo si Dmitri.
Nagpost ini nin sarong ads na nagtatangro nin kabayadang 100,000 rubles para sa siisay man na magtugot na ipabakal an saindang kalag asin gibuhon ining opisyal sa paagi kan pagpirma nin kontrata gamit an sadiring dugo.
Dae soboot kaini piglaoman na igwang maako kan saiyang kakaibang tangro alagad sarong 26-anyos na babae an nagreply sa saiyang ads na nagsasabi na preparado ining ipabakal an kalag.
Makalihis an transakyon kan duwa, dae aram ni Dmitry kun saen kaini gagamiton an bagong nabakal na kalag kan tawo huli ta saro man sanang social experiment ini.
Mantang sa lado man kan babae, tolos na binakal kaini nin Labubu dolls asin concert ticket an kwarta na gikan sa pagpapabakal kan saiyang kalag.
Sa ngunyan, pigkondenar kan Russian Orthodox Church an ginibo kan babae asin sinabi na igwang kakahampangon na maraot na futuro an siisay man na magpapabakal kan saindang kalag.
