Aram baya nindo mga ka-Bombo, sarong babaeng tsino na kun saen an pinakamagayon na aldaw kaini nagin bangungot makalihis maghagad nin paternity test an saiyang agom huli sa kahina-hinalang maitom na balat kan saindang bagong pangaking omboy.
Kasuarin sana naireport an kakaibang kaso kan sarong 30 anyos na babae na gikan sa Shanghai, China na desperado na isalbar an saindang kasal makalihis mangaki nin maitom na omboy sa paagi kan C section.
Pigbuyagyag kan babae sa social media an mamundo kaining istorya asin naghagad nin payo sa ibang ina kun pano hahampangon an sitwsyon. Kan magluwas soboot an omboy asin ipahiling ini sa saiyang agom sa enot na pagkakataon, dae makatubod na pighiling sana kaini an aki asin nagsayuma na kaputan an nasambitan ng omboy.
Pig-ako man kan babae na magin ini an nasusupog na kaputan an sadiring aki huli sa balat kaini asin pigsaysay na dae pa man ini nakakapasiring sa Africa.
Mientrastanto,sigun man sa mga doktor, normal sana soboot an kaso kan omboy nin huli ta an mga newborns an igwang thin skin tissue asin an saindang blood circulation an bakong magayon, alagad mabago pa man soboot an kulay kan un-it kaini hasta sa magputi.
