NAGA CITY– Dawa nakakaeksperyensya ngunian nin trauma, alagad nasa marhay na soboot na kamugtakan an daragang dinukot kan pigtutubudang mga miembro kan New People’s Army (NPA) sa Brgy. Bocogan, Lagonoy, Camarines Sur kasuudma.
Binisto an biktima na si Gladecel Gardoce, 24-anyos.
Sa entrevista kan Bombo Radyo Naga ki Capt. Ronnie Madriñan, Officer-in-charge (OIC) sa Division of Public Affairs Office (DPAO) kan 9th Infantry Division (ID), Philippine Army, sinaysay kaini na pasado alas 5:00 nin aga kasuudma kan biglang linaog kan walong armadong kalalakihan an harong kan pamilya Gardoce asin hinalughog an palibot kaini na garo igwa nin pighahanap.
Kan mayo soboot nin makua an nasambitan ng grupo, sapiritan kaining kinua an biktima asin mayo nin nagibo an pamilya kan padapaon asin tutukan nin badil kan mga suspek.
Sigon ki Madriñan, posibleng M16 rifle an pighahanap kan mga suspek huli ta bistado soboot komo pamilya nin mga suldados an mga Gardoce. Mientrastanto, tulos man soboot sindang nagresponde kan makaabot sa sainda an nasambitan ng impormasyon.
Sigon sa opisyal, palsado alas 5:00 na nin hapon kasuudma kan palibrehon kan mga rebelde an biktima asin pigtugutan na makapuli sa saiyang pamilya.
Sa ngunian, dae pa makumpirmar kan mga otoridad kung nagtao nin kwarta an pamilya kan biktima o kusa ining pinalibre kan mga rebelde.
