Aram baya nindo mga ka-Bombo, sarong babaye an aksidenteng nahalon an saiyang wedding ring sa saiyang bakasyon sa Thailand.
Sa sarong video, madadalan an X-ray kan babaye kun saen nasa laog kan saiyang lawas an singsing.
Isturya kan babaye na taga-Atlanta, Georgia, hinala muna kaini an saiyang singsing antes ini magkarigos. Makalihis ini, nag-inom ini nin vitamins.
Pirang minuto pa, napansin kaini na nawawara an saiyang singsing kaya hinanap ninda ini alagad dae ninda nahiling.
Nagsuba an agom kaini na posibleng nahalon kaini an singsing, hasta sa magdesisyon na sindang magpa-X-Ray.
Kan magpa-X-Ray an babaye, digdi na naaraman na nasa laog talaga kan saiyang lawas an singsing. Pig-abisohan ini kan doktor na mag-inom nin bulong tanganing natural ining mailuwas.
Matrayumpo man na nailuwas kan babaye an singsing asin naisulot na kaini liwat.
