NAGA CITY- Aram baya nindo mga kabombo, bakong kwarta, gamit o burak an regalo kan sarong lalaki sa saiyang ilusyon na nagtapos sa kolehiyo sa Midsayap, Cotabato. Ini nin huli ta sarong buhay na kambing an saiyang pigtaon regalo.
Binisto an niregalohan na si Camille Viloan na cum laude sa kursong secondary education with a major in social studies.
Sa mismong aldaw kan pagtatapos itinao kan saiyang ilusyon an regalong kambing na nahiling mismo kan saiyang mga amigan na naogma man sa saindang nanutaran.
Ikinaogma man ni Viloan an ginibong effort kan saiyang ilusyon nin huli ta dae soboot ini mahilig sa mga sorpresa asin pagreregalo.
Nagpepreparar naman si Viloan para sa pagkua kaini nin board examination.
