Aram baya nindo mga ka-Bombo, viral ngunyan sa bilog na kinaban an sarong Japanese macaque na pinangaranang Punch-kun o Punch sa Ichikawa City Zoo huli sa saiyang companion na sarong stuffed orangutan.
Napag-araman na inabandona kan ina kaini an unggoy na namundag pitong bulan na an nakalihis, kaya tulos na inaksiyunan kan mga zookeeper an saiyang sitwasyon.
Sigun ki zookeeper Kosuke Shikano, karaniwan sa mga Japanese baby macaque na nagdudukot pa sa saindang ina an para sa saindang seguridad, asin pangangaipuhan kaya pigsuhestiyon kan mga ini na tawan nin companion an ataman na baby monkey.
Pinorbaran pa kudta kan mga zookeper an manlaen-laen na pagriribay nin stuffed companion kan unggoy, kaibahan an rolled-up towels asin iba pang stuffed animals, antes napili an orange asin bug-eyed na orangutan na pigpapabakal kan Swedish furniture brand.
Sa video na naglalakop sa social media, madalas na nahihiling na dara-data ni Punch an stuffed toy maski mas dakula ini sa saiya, na nagdara nin kaogmahan sa tagahanga na nagpapasiring sa zoo asin sa mga netizens na naantig sa viral video.
Sigun ki Shikano, posibleng binayaan si Punch kan saiyang ina an huli sa matinding init kan nakalihis na Hulyo kan ini, iminundag.
Dae man malikayan na mab-bully si Punch kan nagkapirang adult monkey puon kan ibalyo ini sa zoo tanganing porbaran na makipag-koordinar sa sainda, alagad sigun sa mga zookeeper, parte idto kan proseso kan pagkanood ni Punch sa mga kalahi kaini.
Sa presente, nagbulos an mga tagahanga ni Punch siring kan nagkapirang social media personality sa Hollywood kun saen nagpahiling nin pagkahadit sa nasambitan ng unggoy asin interes na bakalon an unggoy sa Tokyo tanganing malikayan an pambu-bully sa naeeksperyensiyahan kaini sa mga gurang na unggoy.
Mientrastanto sarong Swedish furniture brand man an nagtao nin mga stuffed toy sa nasambitan ng zoo.
