Nahiling an bagong raot kan panahon sa Sirangan na parte kan Pilipinas asin piglalaoman na malaog sa Philippine Area of Responsibility (PAR) sa mga masunod na aldaw.
Enkaso dagusan na ining makalaog ini an aapudon na Bagyong Uwan, an ika-21 tropical cyclone ngunyan na taon.
Sigun ki weather specialist Grace Castañeda, pwedeng sa huring parte kan semana makakaapektar sa nasyon an nasambitan ng weather disturbance.
Posibleng magtama ini sa Luzon asin sa iba pang parte kan Pilipinas depende sa magigin hiro kaini sa mga masunod na aldaw.
Sa ngunyan, nagtitinir pa ining nasa luwas kan PAR, alagad padagos ining pigbabantayan kan mga eksperto.
Piglalaoman an duwa hasta limang bagyo na posibleng maglaog sa PAR antes matapos an taong 2025.
Padagos an pagirumdom kan mga otoridad na magin alerto asin preparado sa posibleng epekto kan papaabuton na raot kan panahon.
