Nagpatanid an grupong Philippine Chamber of Telecommunication Operators (PCTO) dapit sa posibilidad kan bagong bugso kan mga messaging scam sa nasyon.
An bagong messaging scam na ini, an kayang makalaog o maipadara sa mga users na dae nag-aagi sa mga filtering system.
Sa pigpaluwas na statement kan grupo, pig-enkaminar kaini an mga industry players asin an gobierno na magtabangan tanganing mapugulan an panibagong bugso kan text scam, orog na ta nagigibo man soboot kan mga cybercriminal na laogon an mga mga barrier o filter na pigbugtak kan mga telco tanganing mapugulan an paglaog kan mga text scam.
Ikinahandal man kan grupo an soboot padagos-dagos na pagpapadara kan mga scammer kan mga mensahe na garu totoo, asin napapatubod an mga users na nakaresibe kaini.
Nagkapira sa mga pighalimbawa kan grupo na piggagamit digdi kan mga scammers an mga foreign SIM card, fake cell towers, asin mga imported na spoofing device.
Sa paagi kan mga ini nagigibo soboot kan mga scammers na magpadara kan mga mensahe sa saindang mga target, mang-akit, asin mang-scam.
