Posible pang maglawig asin ma-extend an presenteng suspensyon na kinakahampang ni Cavite 4th District Rep. Kiko Barzaga kun masunad nin panibagong ethics complaint an House of Representatives kontra sa kongresista sigun ini ki Tingog Party-list Rep. Jude Acidre.
Sigun pa ki Acidre, pigkokonsederar na kan Kamara an pagsusunad nin panibagong ethics complaint kontra ki Barzaga huli na man sa mga nagin aksyon kaini makalihis na maipautob an saiyang nagin suspension kan Disyembre.
Marurumduman man na pigsunad an enot na complaint kontra ki barzaga kan nakalihis na taon huli sa soboot ‘disorderly behavior’ kaini kawsa kan saiyang mga social media posts sa saiyang personal accounts.
Mientrastanto, mantang mayo pang pinal na desisyon an kamara para sa panibagong complaint nakatalaan namang matapos an suspensyon kan kongresista sa Enero 30.
