Pigkumpirmar kan Department of Social Welfare and Development an saindang kahandaan sa pagpapautob nin mas mahigot na mga panundunan sa distribusyon kan Ayuda Para sa Kapos ang Kita Program (AKAP) kan saindang ahensya.
Ini an makalihis na matawan kan Commission on Elections nin exemption sa spending ban an nagkapira sa mga programa kan ahensya ngunyan na eleksyon.
Sa sarong pahayag, pigsaysay ni DSWD Spokesperson Assistant Secretary Irene Dumlao, sa paaagi kan pagrebisa kan ahensya sa presenteng guidelines ay dae magagamit sa pulitika. Orog na soboot ngunyan na panahon nin kampanya para sa Eleksyon 2025.
Sigun ki Dumlao, magkakaigwa nin regular na posting kan mga pangaran kan benepisyaryo kan programa orog na an maresiber kan cash assistance sa kada probinsya sa irarom kan bagong probisyon.
Sa panahon man kan pagheras nin programa ay ipinagbabawal sa guidelines an pagbugtak nin campaign posters o banners kan pulitiko asin man magin an presensya kaini sa lugar kan payout
