Nakapagrehistro na man nin sarong kumpirmadong kaso kan Nipah virus infection an naireport sa Rajshahi Division, Bangladesh.
Sigun sa International Health Regulations National Focal Point, an pasyente an nakaeksperyensiya nin kalintura kan Enero asin nakumpirmar an impeksiyon sa paagi kan laboratory test makalihis an pirang aldaw.
Basado sa imbestigasyon, mayo ining travel history alagad nagkakan nin hilaw na katas kan date palm, na karaniwang pinagpupuonan nin impeksiyon.
Sigun sa Ministry of Health and Family Welfare kan Bangladesh, an 35 katawo na nakaulay kan pasyente an pigmomonitor asin gabos an nagnegatibo sa Nipah virus.
Bistado an Bangladesh na nagkakaigwa nin sararadit na outbreak kan Nipah virus, kadalasan tuyong Disyembre hasta Abril, kasabay nin panahon kan pag-ani asin pagkonsumo kan date palm sap.
Nagpautob naman nin mga lakdang an gobierno kan nasyon tanganing malikayan an pagkuriyat kan helang kabali na an masusing surveillance asin pagtatao nin impormasyon sa publiko.
Sa presente, pigkokonsederar kan World Health Organization na hababa an peligro kan Nipah virus sa pambansa, regional asin global level, asin hababa man an posibilidad kan pagkuriyat sa ibang nasyon.
