Makalihis an tolong semanang tapyas presyo sa mga produktong petrolyo, laoman man sa masunod na semana an panibagong langkaw presyo.
Sigun sa Department of Energy (DOE) na pwedeng magkawat puon P0.60 hasta P1.00 an ilalangkaw sa kada litro kan gasolina.
Mantang an diesel, igwang P0.10 hasta P0.50 an paglangkaw sa kada litro.
Makawat man puon P0.10 hasta P0.30 nin paglangkaw sa kada litro kan kerosene.Saro sa mga nahiling na rason kan DOE iyo an ginibong airstrike kan US sa Yemen kontra sa mga Houthi rebels.
Sa aldaw pa kan Lunes maaraman kun gurano an langkaw presyo na kadalasang pigpapauton sa aldaw kan Martes.
