Gadan an sarong bagong mundag na omboy makalihis na i-apon ini kan saiyang 18-anyos na Ina sa bintana kan sarong hotel sa Paris.
Sigun sa mga kapulisan, nakakabit pa an pusod kan nasambitan ng omboy kan isagibo an krimen.
Susog sa report tolos na pigtawan nin magkakanigong atensyon medikal an omboy alagad ini an tolos na binawian nin buhay.
Basado man sa pangenot na imbestigasyon, an Ina kan omboy an nangaki sa kwarto sa ikaduwang palapag kan hotel kan maisipan kaining bigla na sanang i-apon an aki.
Katakod kaini, naglunsar na nin imbestigasyon an mga otoridad dapit sa insidente kun saen napag-araman ninda na an 18-anyos na Ina kan omboy an yaon sa Paris para sa pig-aapod na study trip.
Sa ngunyan, pigdara na sa ospital an 18-anyos na babae tanganing magsairarom sa bulungan makalihis an saiyang pag-aki.
