Aram baya nindo mga ka-Bombo, Agaw-pansin an sarong kambing na bagong pangaki huli sa kakaiba an hitsura kan lalawgon kaini sa Bacarra, Ilocos Norte.
Sigun sa maysadiri kan nasambitan ng kambing na si Rosita Yabes, labi an saiyang pagkabigla kan mahiling an hitsura kan saro sa mga nagin aki kan saiyang atamang kambing.
Saro sana an mata kan aking kambing na nasa tahaw kan angog alagad igwa nin duwang bilog sa laog.
Mayo man ining dungo alagad may nguso na haros nakausli an dila. Kun minsan, pigsusuhay ni Yabes an kakaibang kambing sa mga tugang kaini tangani painumon gatas sa bote asin mas magkusog pa.
Nagigibo na man na magtindog nin solo sana an kambing alagad maluya pa. Sigun sa Provincial Veterinary Office, posibleng nagkaigwa nin abnormalidad sa pagbabados kan inang kambing, o kaya man, may problema sa genes an mga magurang kaini.
Inihayag man ni Dra. Loida Valenzuela, Ilocos Norte provincial veterinarian, na nabanggit kan maysadiri kan kambing na may naobserbaran na man sinda kaidto nin siring na abnormalidad sa iba, na bagaman bakong kaparehas kan kaso kan bagong pangaki na kambing, indikasyon soboot na genetically acquired an nangyari.
Kaya man abiso pa kan eksperto na dae na paggibuhong breeder an mga magurang kan kambing na may kakaibang hitsura.
