Pinangenotan ni Presidente Ferdinand Marcos Jr., an panunumpa ki Atty. Darlene Marie Berberabe komo bagong Solicitor General (SolGen).
Si Berberabe an nagribay sa pwesto ni SolGen. Menardo Guevarra makaliglhis na akuon ni Presidente Marcos Jr. an courtesy resignation kaini.
Si Atty. Berberabe an dating Pag-Ibig CEO asin UP Law Dean..Ini an faculty member kan Philippine Judicial Academy, kun daen nag-graduate ini nin summa cum laude in Philosophy sa University of the Philippines.
Nagpa-abot man kan saiyang pagbati si SolGen Guevarra ki Atty. Berberabe asin sinaysay na maogma ini sa appointment kaini na maikokonsiderar na sarong top-caliber lawyer na igwang impressive management background.
Mientrastanto, nanumpa man si Mr. Jose Ramon Aliling komo bakong sekretaryo kan Department of Human Settlements and Urban Development (DHSUD).
Si Aliling an nagribay sa pwesto ni Sec. Rizalino Acuzar makalihis na akuon an saiyang courtesy resignation ni Presidente Marcos.
Enot nang sinaysay ni Executive Secretary Lucas Bersamin na dae na bago sa DHSUD si Aliling huli ta ini an nagin in-charge sa Pambasang Pabahay para sa Pilipino Housing o 4Ph program asin an Pasig Bigyang Buhay Muli project.
Ini an President asin CEO kan Jose Aliling Construction Management Group of Companies asin an pinaka-joven na Presidente kan Construction Management Association of the Philippines asin enot na awardee kan The Outstanding Young Men of the Philippines for Civil Engineering.
