Nakatalaan na ipaluwas kan Department of Trade and Industry (DTI) an bagong suggested retail price (SRP) guide saaga, Huwebes, Pebrero 6.
Ini an kasunod kan paglangkaw nin presyo sa 62 shelf-keeping units o items for sale.
Kabali digde an nagkapirang brands kan sardinas, canned meat, evaporated milk, Pinoy tasty asin Pinoy pandesal.
Piglalaoman man na malangkaw man an mga presyo kan mga kandila asin baterya. Sigun man ki DTI Assistant Secretary Agaton Uvero, pigkakarkulong nasa 2% hasta 9% an piglalaoman na umento sa presyo.
Ipinaliwanag man kan opisyal na pigtugutan an langkaw presyo sa nasambitan ng mga produkto makalihis man an masusing pag-aadal.
Enot na digde, kabali man an DTI sa nagin dalan tanganing mabilog an suggested retail price para sa bagas asin man iba pang bakalon, orog na an mga pagkakan.
