Padagos na pigbabantayan an Tropical Depression Ramil na presenteng nasa rayong 1,145 kilometro sa sirangan kan Southeastern Luzon.
Sigun sa pinakahuring report, taglay kan ini an kusog kan duros na nagpapakol sa 45 km/h harani sa tahaw asin pagbugsong duros na hasta 55 km/h.
Maluya an paghiro kaini pasiring kanluran-hilagang kanluran.
Signal No. 1:
Sirangang parte kan Quezon (Tagkawayan)
Bilog na Camarines Norte
Catanduanes
Camarines Sur
Albay
Hilaga asin sirangang parte kan Sorsogon (Donsol, Pilar, Castilla, Siyudad nin Sorsogon, Gubat, Prieto Diaz, Casiguran, Barcelona, Bulusan)
Sirangang parte kan Northern Samar (Laoang, Catubig, Palapag, Mapanas, Gamay, Lapinig, Pambujan, San Roque)
Piglalaoman na mahiro si Ramil pa-kanluran hasta sa aga, antes na maglihis pa-kanluran hilagang kanluran pasiring Central-Southern Luzon.
Posibleng mag-agi ini sa Catanduanes aga o hapon kan Oktubre 18, asin mag-landfall sa Aurora o Quezon sa Oktubre 19. Igwang posibilidad nin pagbabago sa landfall area kun enkaso malihis ini pa-timog, na posibleng magkawsa nin paghewas kan mga lugar na masairarom sa huma kan bagyo.
Makalihis an landfall, piglaaloman na pigbabagtas na kaini an kabubuludan na parte kan Northern o Central Luzon, asin maluwas nin Philippine Area of Responsibility (PAR) hapon o bangi nin Oktubre 19, Linggo.
Mantang nasa Philippine Sea, piglalaoman na makusog pa si Ramil asin posibleng mag-abot sa kategoryang tropical storm mag-oomagahon nin Oktubre 18. Dae man piggigilid an posibilidad na ini an magin dagusang sarong severe tropical storm antes na mag-landfall.
