NAGA CITY – Pinahewas pa kan Department of Agriculture (DA) an ban sa imported na sibulyas hasta sa masunod na bulan kan Agosto.
Nakatalaang kuta kayang mapaso an ban sa imported na sibulyas ngunyan na Hulyo
Sigun ki DA Spokesperson Assistant Secretary Arnel de Mesa, nagtitinir na halangkaw an national inventory kan sibulyas. Sa presente, mapakol sa 160,000 metric tons kan pulang sibulyas mantang an yellow onions an mapakol sa 12,000 metric tons hasta katapusan nin Hunyo.
Siringman, mawot masierto ni Secretary Francisco Tiu Laurel Jr., na dae mapuli sa hoarding an ban sa imported na sibulyas. Ini soboot an kawsa kaya regular nindang i-mo-monitor an suplay asin presyuhan kan sibulyas.
