Sinimbag kan Influencer-beauty queen asin dating courtside reporter na si Angelique Manto an pag-mention sa pangaran kaini sa social media katakod sa pagtoninong kaini soboot dapit sa batikos na pigkakahampang kan mga amigang “nepo babies”.
Sigun sa comment kan sarong netizens, naghagad ini kan pwedeng sabihon ni Angelique katakod sa mga amigang sinda Vern asin Verniece Enciso.
Tinawan man ini nin atensiyon ni Manto asin nagtao nin reply sa nasambitan ng komento kan sarong netizen.
Sinaysay kaini na dae soboot ini toninong katakod sa isyu asin mahihiling ini sa paagi kan pag-check sa personal profile kan saiyang social media account.
Dugang pa kaini, nagtatrabaho man soboot ini nin tapat asin nagbabayad nin buwis kaya anggot man ini siring kan namamatean na kaanggutan kan kadaklan.
Piglinaw man ni Manto na dae kaini pigkokondenar an mga paglulustay sa pinagsakitan na kwarta kan iba alagad siring man an paghiling nin malisya kan ibang tawo nin basta-basta.
Mientrastanto, sinda Vern asin Verniece Enciso an saro sa pigtatangkilik na fashion influencers puon pa kan taong-2010 sa mundo kan social media.
Alagad kasuarin sana nagin mainit an pangaran ninda komo saro sa mga “nepo babies” na binansagan kan mga tawo.
