(UPDATE) NAGA CITY- Naipuli na sa saindang mga pamilya an bangkay kan duwang soldados na binawian nin buhay sa nangyaring engkwentro sa General Nakar, Quezon.
Sa entrevista kan Bombo Radyo Naga ki Major Gil Perez, tagapagtaram kan Southern Luzon Command (SOLCOM), sinaysay kaini na kinua na kan saindang mga pamilya an bangkay ni Sgt. Nelson Zamora asin naipuli na ini sa Oriental Mindoro mantang naipuli naman sa Cagayan an bangkay ni Sgt Bernard Rosete.
Sigon ki Perez, padagos pa na nagpaparahay an nairidong mga soldados na sinda Sgt. Franklin Peralta asin Cpl Ruben Pauig makalihis an nangyaring engkwentro sa Sitio Pahimuan, barangay Lumutan sa nasambitang banwaan.
Nagdeploy na suboot ngonyan nin mga military asin PNP units sa lugar tanganing masierto an seguridad asin dagos ng masusog kun sain posibleng nag-agi an nagdulag na mga rebeldeng New People’s Army (NPA) makalihis an bakbakan.
