(UPDATE) NAGA CITY- Plano ngonyan kan Integrated Bar of the Philippines (IBP)-Camarines Sur Chapter na makipagkoordinar sa pamilya kan nagadan na si Judge Ricky Begino katakod kan magigin bilar kaini.
Sa entrevista kan Bombo Radyo Naga ki Atty Ferdinand Diño, presidente kan IBP -Camarines Sur, sinaysay kaining kun matugot suboot an pamilya Begino, plano nindang bilaran an bangkay kan huwes sa saindang IBP hall sa ciudad nin Naga sa laog nin nagkapirang aldaw.
Sigon ki Diño, hasta sa ngonyan, haros dae pa makatubod an saindang mga pag-iribang huwes asin abogado sa nangyari ki Begino.
Enot kaini sigon ki Diño, labi suboot an pagrespeto ninda sa nasambitang Judge huli sa pagigin patas kaini sa pagpapautob nin ley asin pagdedesisyon sa mga kinakaputan na kaso.
Kun marurumduman, Martes nin banggi kan badilon si Begino kan mismong tiyuon kaini na si Wilfredo Armea huli suboot sa iwal sa daga hasta sa boluntaryo na ining nagsuko sa mga otoridad suodmang aga.
