NAGA CITY- Mayo na nin buhay kan madukayan an lawas kan sarong lalaki sa ibabaw kan sarong pantyong sa laog nin kampo santo sa Labo, Camarines Norte.
Binisto an biktima na si Geronimo Sasatona, 40-anyos.
Sa nakuang impormasyon kan Bombo Radyo Naga, napag-araman na nahiling na sana an biktima sa ibabaw kan pantyong mantang nagkakarigos na ini sa saiyang sadiring dugo.
Ginulgulan suboot kan dae pa nabibistong mga suspek an luong, likod asin kamot kan biktima na pigtutukdong rason sa tulos na kagadanan kaini.
Sa ngonyan, nagpapadagos pa an imbestigasyon kan mga otoridad manungod sa nasambitang pangyayari.
