NAGA CITY- Mayo na nin buhay kan madukayan an lawas nin sarong padre de pamilya sa sarong salog sa San Lorenzo Ruiz, Camarines Norte.
Binisto an nasambitang lalaki na si Danilo Albios, 60-anyos.
Sa nakuang impormasyon kan Bombo Radyo Naga, napag-araman na nahiling na sana ni Arlene Salkuya, 32-anyos an bangkay ni Albios sa salog sa barangay San Antonio sa nasambitang banwaan.
Sa inisyal na imbestigasyon man kan mga otoridad, huring nahiling an biktima mantang nag-iinom ini sa harong kan sarong Rodulfo Corvilla, 53-anyos asin huli sa labing kaburatan, pigtutubudan na nahulog ini sa salog na nagresulta sa saiyang pagkalamos.
Pigsairarom man sa autopsy an bangkay kan nasambitang lalaki mantang padagos pa an imbestigasyon kan mga otoridad dapit sa pangyayari.
