NAGA CITY- Naideklarar na an banwaan nin Pitogo na enot na banwaan sa probinsya nin Quezon na drug cleared.
Sa entrevista kan Bombo Radyo Naga ki PS/Insp. Liezl Abenilla, chief of police kan PNP Pitogo, sinaysay kaini na igwa nin 39 mga barangay an saindang banwaan asin hababa sana an porsiyento kan transaksyon nin iligal na droga na nairehistro sa saindang lugar.
Apat man sana suboot an saindang nadakip na mga personang imbwelto sa pigpapangalad na bulong mantang 214 man an nagsuko katakod kan programang Oplan Tokhang kan PNP.
Sigon ki Abenilla, nasunod ninda an pighahagad na mga requirements kan Philippine Drug Enforcement Agency (PDEA) kaya man dagos ng naideklarar na drug cleared an saindang banwaan.
Labi man an pasasalamat ni Abenilla sa saindang Provincial Director na si PS/Supt. Rhoderick Armamento sa paggiya sa sainda pag-abot sa kampanya laban sa iligal na droga kan Duterte Administration.
