NAGA CITY – Maluya sa presenteng bulan an nagin barakalan kan copra sa banwaan nin Libmanan, Camarines Sur.
Sa entrevista kan Bombo Radyo Naga ki Recto Ador, (nagko-copra Libmanan CamSur), sinaysay kaini na laog kan haros 40 taon na kaining pagko-copra, dawa papano nagin marahay man an dara kaini sa saiyang pag buhay o sa uru-aldaw na pang gastos ninda sa pamilya.
Kada bulan na copras, nag aabot man sa 5,000 hasta 10,000 an kinikita ninda depende man sa bunga kan niyog.
Makusog sana an barakalan kaini sa pagpuon kan bulan nin Hulyo asin Agosto orog na kan nakalihis na taong 2024.
May mga panahon man soboot na dakol man an bunga kan niyog alagad barato an presyuhan kan lukad.
Sa presenteng paglaog kan 2025 haros nagkikita na sana sinda nin nasa 5,000 kada bulan.
Sigun pa ki Ador, huli sa labing init kan panahon, dae man ninda maitatago na talagang apektado man an saindang paghahanap buhay.
Sa ngunyan, labi pa an saiyang paglaom na magbalik man giraray su saindang marahay na kita sa pagkocopra nin huli ta saro na ini sa saindang mayor na pinagkakakitaan na pamilya.
