Nanindugan an Commission on Election (COMELEC) na mayo ng magigin aberya pa asin dagos na dagos na sa Disyembre 1 an Barangay asin Sangguniang Kabataan Election (BSKE).
Sinaysay ni COMELEC Chairman George Garcia, na gigibuhong manual counting an BSKE.
Mapuon an botohan puon ala-7 nin aga hasta alas-3 nin hapon.
Matalaan man an COMELEC nin amay na oras tanganing makaboto an senior citizenz, persons with disabilities asin mga bados.
Mapuon man puon Hulyo 1 hasta 11 an registration para sa BSKE mantang an filing of certificate of candidacy (COC) puon Oktubre 1 hasta 7.
Pigpatanidan man kan Comelec Chairman na mahahampang sa kaso an mga local officials na nagsusuporta sa kandidatura kan sarong barangay opisyal, kun saen ini man an bawal ikampanya siring man an paggamit kan pondo kan gobyerno asin mga proyekto para sa kandidato.
