NAGA CITY – Pig-amyendaran kan barangay council sa Barangay Caranan, Pasacao, Camarines Sur an ordinansa dapit sa butas na ido.
Sigun ki Randy Latosa, Kapitan kan nasambitan ng lugar, na an mayor na problema na sa saindang barangay an mga butas na ido kun kaya mas pinamarhay na kan saindang lado na magpasar nin ordenansa dapit sa pagtatao nin penalidad sa mga maysadiri kan ido.
Nagkapira man kaya soboot nin insidente kan pangangagat kan ido an naikurit sa saindang lugar. Katakod kaini, igwa man nin mga panundoan an dapat sunudon kan mga nag-aataman nin ido, siring kan saindang Animal Registration na nagkakantidad nin P50. An dae man maparehistro kan saindang mga atamang hayop an papatawan nin penalidad kun saen, sa premirong pagbalgar an papadarhan nin surat an maysadiri, P2,000 sa ikaduwang pagbalgar asin nasa P3,000 para sa ikatolong pagbalgar.
Dugang pa kan kapitan, kadakol naman an nagparehistro sa sainda orog na ta obheto ninda na mayo nang mahiling na mga ido an nagbabasaybasay sa saindang lugar.
Sa ngunyan, pangapodan na sa ni Latosa na magsunod sa nasambitan ng ordinansa nin huli ta para man sana ini sa saindang kapakanan.
