NAGA CITY- Nagpapadagos an paglilinig kan Barangay Council kan San Felipe, Naga City sa mga estero sa saindang lugar toyong aldaw nin Sabado.
Sa entrevista kan Bombo Radyo Naga ki Rey Plopenio, Kagawad kan nasambitan ng lugar, sinaysay kaini na nagpapadagos an saindang pigkokondusir na declogging orog na sa mga lugar na perming nakakapagrehistro nin pag-apaw kan mga drainages.
Mas pinagtutuonan man soboot ninda nin pansin an barangay Carangahan huli ta hababa ining lugar asin sararadit pa an mga drainages.
Sa ibong na lado, nagpapadagos man an iba pang mga programa kan barangay na an obheto an matabangan an mga residentes orog na pag-abot sa programang pansalud.
Sa ngunyan, hagad na sana kan opisyal an kooperasyon kan lambang residente sa saindang lugar para sa pagmantinir kan salbadong kapalibutan orog na ngunyan na panahon kan tag-uran.
