NAGA CITY- Nabenipisyaran an barangay Santa Cruz sa siyudad nin Naga kan bitbit na 24 sets na purifier kan MMDA Naga Contingents para sa mga nawaran nin tubig.
Sa nagin paghampang sa mga kagawad kan media ni Franco Jornacio, Team Leader kan MMDA Naga contingents, sinaysay kaini na limang aldaw soboot an saindang deployment sa bilog na siyudad na obhetong makatabang sa mga residentes na nawaran nin suplay kan tubig huli sa naeksperyensiyahan na baha na kawsa kan bagyong Enteng.
Katakod kaini, nagpakol man sa 15 contingents gikan sa sa MMDA an nagbibilog sa grupo na yaon an dedikasyon tanganing magheras nin tabang sa mga nangangaipuhan.
Sigun pa sa opisyal, sa siyudad nin Naga sulamente an saindang assignment alagad madepende soboot sa kasuguan kan saindang higher office.
Sa ngunyan, hagad na sana kaini an tolos na pagbuhat kan siyudad gikan sa panlalamasa kan bagyong Enteng.
