Inakusaran ni dating Surigao del Norte Representative Robert Ace Barbers, an Commission on Human Rights (CHR) nin dae tamang “posturing” o pagpapahiling nin suporta sa karapatan kan mga naarestar na jovenes nagbalgar sa ley kan nakalihis na rally na “Baha sa Luneta” kan nakalihis na Setyembre 21.
An rally, protesta kontra sa katiwalian katako kan multi-bilyong flood control anomaly.
Sinaysay ni Barbers na alagad maski tungkulin kan CHR na protehiran an karapatan kan lambang tawo kontra sa posibleng pagbalgar kan Estado, pwede kaining enkaminaron an mga kajovenang maggibo nin kariribokan (hooliganism) sa futuro.
An hooliganism an hiro, kariribokan, pananakot, o pangraraot, orog na sa mga protesta o sporting event.Kun poprotehiran soboot kan CHR an mga “masked hooligan” na nahiling na naggibo nin karahasa sa Luneta Park, Ayala Bridge, asin Chino Roces Bridge, mapapakusog kaini an siring na klase kan kariribokan.
Pig-enkaminar man ni Barbers an PNP, orog na an MPD, na enkaminaron an mga kaparientes kan mga naarestar na kajovenan na tugotang magsairarom an mga ini sa voluntary drug test, bakong tanganing mapadusahan, kundi parasa rehabilitasyon.
Sinabi ni Barbers na kadakol sa mga jovenes na ini an dae normal an hiro asin posibleng naggagamit nin droga siring kan shabu asin rugby.
Sigun sa mga report, binayadan soboot nin tig-300 an mga ini tanganing magpartisipar sa kariribokan.
An mga suspek, enot ng nagsulo nin container van sa irarom kan Ayala Bridge asin naggapo nin mga gapo sa mga otoridad, makalihis an nagpasiring sa Mendiola kun san nagsagibo sinda nin pangraraot asin pag-atake gamit an gappo, barricades, basong vote, Molotov bombs, asin mga mababatang likido.
Sigun ki Barber, basado sa mga kua sa TV asin social media, igwang ibang obheto an mga suspek apwera sa protesta ini an pagsulo asin pagsalakay sa Malacañang.
