Aram baya nindo mga ka-Bombo, na sarong ospital sa Barcelona an nagsagibo nin pioneering facial transplant kun saen donor, sa primerong pagkakataon sa kinaban, an nag-alay kan saiyang lalawgon antes isagibo an assisted dying procedure.
Sigun sa Vall d’Hebron Hospital, an komplikadong operasyon an kinaipuhan an transplant nin composite tissue gikan sa tahaw na parte kan lalawgon.
Pinagtarabangan kan haros 100 medical experts, kaibahan an mga psychiatrist asin immunologist an nasambitan ng operasyon.
Napag-araman man na an recipient na nabistado sana sa pangarang Carme, an nagkaigwa nin facial tissue necrosis dara kan bacterial infection gikan sa kagat kan sarong insekto, na nakaapektar sa saiyang pagtatataram, pagkakan, asin makahiling.
Napag-araman man na an siring na kaso an dapat an donor asin recipient an magkapareho nin kasarian, blood group, asin haros magkapareho an sukol kan payo. Apwera digde, bistado an Spain pag-abot sa organ transplants sa bilog na kinaban kun saen kan nakalihis na taong-2021, nagin ika-apat na nasyon sa European Union tanganing gibuhong legal an euthanasia o an pagpaparekas o pagtabang sa kagadanan kan sarong tawo na igwang malubhang helang o matinding pagsakit na naeeksperyensiyahan huli sa saiyang helang.
Sigun sa ospital, kabanga kan anom na facial transplant na naisagibo sa Spain an isinagibo kan Vall d’Hebron staff.
Digde man isinagibo an enot na full face transplant sa bilog na kinaban kan taong-2010.
Dae tinukoy kan tagapagtaram kan ospital an eksaktong petsa kan operasyon para sa privacy kan saindang patinlent alagad sigun sa Reuters ini an naganap kan autum kan 2025. Mientrastanto kan nakalihis na taon, pigreport na igwang poco mas o menos 6,300 organ transplants na naisagibo sa Spain, kun saen an kidney an pinakakaraniwan, sigun sa Health Ministry mantang kan 2024, 426 na tawo an nagresebir kan assistance in dying, sigun sa datis kan gobyerno kan Spain.
