Mawot na ipareskedyul ni Acting Davao City Mayor Sebastian “Baste” Duterte an nakatalaang charity boxing match ninda ni Philippine National Police Chief Gen. Nicolas Torre III na ikukundusir kuta ngunyan na aldaw, Hulyo 27.
Ini an makalihis kaining sabihon sa sarong video na may ibang ginigibo kada aldaw nin Dominggo.
Siringpaman, binanggit ni Duterte na available ini kada Martes asin Miyerkules, o sa ibang aldaw— bastang bako ngunyan.
Sigun sa saiya, mas marahay ini para ki Gen. Torre tangani magkaigwa pa nin dugang na panahon tangani mag-ensayo.
Nagtao pa nin abiso si Duterte ki Torre na higutan an saiyang ginigibong training, huli ta garu sablay kaya soboot an mga suntok kaini asin kinakaipuhan man na pagtuunan nin pansin an pagdepensar sa saiyang lalawgon.
