Batchmates kan TGIS actor na si Red Sternberg labing namundo makalihis an pagtalikod kaini sa kinaban

Nagtalikod na sa kinaban an aktor kan T.G.I.S. na si Red Sternberg sa edad na 50-anyos kan nakalihis na Martes, May 27, 2025.

Ini an pigkumpirmar kan saiyang agom na si Sandy sa Facebook post kasuudma, May 30.

Katakod kaini, dae naman pigsaysay an rason sa kagadanan kan nasambitan ng aktor.

Nangapudan si Sandy sa publiko na tawan sinda nin privacy mantang namumundo sa pagkagadan ni Red.

Marurumduman, nabisto si Red o sa totoong buhay Rodwick komo 90s heartthrob huli sa karakter kaini na si Kiko sa youth-oriented show na T.G.I.S.

Mientrastanto, nagpa-abot naman nin pakikidumamay an mga batchmates kaini na si Angelu de Leon, Bobby Andrews, Rica Paralejo asin iba pa.