Inako ni Senador Ronald “Bato” dela Rosa na ini an nagpapuon kan resolusyon sa Senado tangani ibasura an kaso kan impeachment kontra ki VP Sara Duterte.
Sigun ki Dela Rosa, an draft an gikan sa saiyang opisina asin presente ining nagkokonsulta sa mga kaibahan tangani makabilog nin resolusyong na igwa nin bastante na suporta.
Bagaman mayo pang opisyal na resolusyong naisusunad, sinaysay ni Dela Rosa na may pirang draft na nag iitok, kabali an saiya na soboot na orihinal.
Target nindang maisumiter ini sa masunod na semana. Mientrastanto pinahimutikan ni Senate President Chiz Escudero na may resolusyong naisunad na, alagad kinumpirmar ninda Senators Imee Marcos asin man Jinggoy Estrada an pagkakaigwa nin draft.
Nilinaw man ni Dela Rosa na mayong kinaraman si VP Duterte sa nasambitan ng hakbangin.
Na-impeach si Duterte kan nakalihis na bulan nin Pebrero sa botong suportado kan labi sa 200 lehislador.
Kaiba sa mga akusasyon iyo an betrayal of public trust, graft, asin iba pang magagabat na krimen.
Pigbalyo sa Hunyo 11 an pagbasa kan Articles of Impeachment tangani tawan dalan an mga prayoridad kan lehislatura antes mag-adjourn an ika-19 na Kongreso sa Hunyo 14
